Aksiyanın məqsədi - daimi və stabil fondun təşkili.

Aksiyanın fərqi - aksiyaya qoşulan hər kəsin fərdi şifrə ilə sədəqəsini izləmək imkanı əldə edə bilər.

Niyə məhz bir manat? - Bir manat simvolik məbləğdir. Kimsə bundan az və ya çox aylıq yardım edə bilər. Əsas stabillikdir.

Bu layihə vasitəsilə böyük məbləğdə yardım edə bilməyənlərin sədəqələri birləşib nəticə göstərir, Allahın izni ilə. Hər ay toplanan məbləğ bir neçə ehtiyaclı ailəyə və ya təcili yardıma ehtiyacı olana yönəlir. Yardımın yönəlməsini AzeriUmma İdarə Heyəti müəyyən edir. Aylıq sədəqələrin toplanması və yönəlməsi saytda dərc olunur. Yanvar-Mart hesabatı

Hər birimiz Allahın qədəri ilə donor qanına ehtiyac duyulan bir vəziyyətə düşə bilərik və həmin anda Qan Bankında lazım olan qanı əldə edə bilmərik. Başa düşməliyik ki, hər bir damla qan, Allahın izni ilə, kiminsə həyatını saxlamağa səbəb ola bilər. Bəzən təcili qana ehtiyacı olanlar çox çətinliklə qanı tapırlar.

Tibbi əks-göstəriş olmayan könüllü qan vermək istəyənlər, bizim Virtual Qan Bankımıza qoşulub, böyük savaba nail ola bilər, inşəAllah. Təcili qan lazımı olduğu halda, sizinlə əlaqə saxlanacaq, inşəAllah. Həmin vaxt qan verməyə uyğun olmasanız, növbəti donorla əlaqə saxlanacaq.

Əgər sizin vaxtınız məhduddursa, nümayəndələrlə görüşə bilmirsinizsə və s. başqa səbəblərə görə az məbləğdə olan sədəqəni çatdıra bilmirsinizsə o zaman 1, 2, 3 və ya 5 Azn Bakcell, Nar və ya Azercell kontur ödəmə kartı alıb şifrəsini yükləmədən bizə info@azeriumma.com ünvanına göndərin. Şifrənin qarşısında neçə manatlıq olduğunu qeyd edin. Bizdə həmin şifrələri dost-tanışa öz dəyərində satıb, yığılan məbləği lazımı elanlara yönəldəcəyik, inşaAllah. Lütfən şifrəni göndərəndən sonra kartı bir müddət tullamayın, bir sıxıntı çixsa biz sizə müraciət edə bilərik.

Xaricdən sədəqə etmək istəyirsiniz, yolunu bilmirsiz?

Və ya ola bilsin vaxtınız məhduddur, nümayəndələrlə görüşə bilmirsiniz?

Bunun üçün qeyd olunmuş bank hesabımıza istənilən bank vasitəsi ilə əməliyyat edərək sədəqlərinizi köçürə bilərsiniz.

Hər bir halda ödəniş etdikdə bizi məlumatlandırın. Allah malınıza bərəkət versin. Amin

KartTransfer (Card to Card) xidməti vasitəsilə bankomatdan və ya“İnternet Banking” xidmətindən istifadə edərək kart hesabınızdan bizim kartımıza sədəqə köçürmək imkanı var.

Bunun üçün plastik kartı bankomata daxil edib ekranda müvafiq menyunu (“KART TRANSFER”) seçirsiniz. Menyu seçildikdən sonra, bizim 16 rəqəmli nömrəmizi- 4127222227183332 (2 dəfə), sədəqənin məbləğini və valyutasını daxil edib əməliyyatı təsdiq edirsiniz.

“Internet Banking" sistemində isə "KartTransfer" xidmətindən istifadə edərək eyni qayda ilə köçürdə bilərsiniz, inşəAllah.