Aynurə bacının müalicəsi davam edilməlidir

Aynurə bacının müalicəsi üçün götürülən $2200 borc təcili qaytarılmalıdır. Həmçinin, çürüməni saxlamaq üçün yenidən bahalı iynələr vurulmalıdır və bunun üçün 3500 manata ehtiyac var.

Aynurə bacıya əməliyyatdan sonra 1 il ərzində təyyarə ilə uçmaq qadağan olduğu üçün 2-ci kurs müalicəyə də Gürcüstanda qalacaq.

Ikinci kurs müalicə və müəyyən ehtiyaclar üçün 6000 manata hələ də ehtiyac var.

Aynurə bacımız əməliyyat olundu, həmd olsun Allaha. Amma yaxın bir neçə il ərzində davamlı müalicə kursu keçməlidir. Bacının bədəni implantı qəbul etsin deyə bahalı iynələr vurdurmalıdır, dərmanlar qəbul etməlidir. Bu ilin sonunadək müalicə üçün 9000 manata ehtiyac var.
İynələr əməliyyatdan dərhal sonra, fasiləsiz, gündə iki dəfə vurulmalıdır. Əks halda implant bitişməyə bilər və yenidən çirk yığıla bilər.

Aynurə bacımızın halı yenə pisləşib. Son bir ay ərzində şiddətli baş ağrılarından əziyyət çəkir. Hər iki qulağı irinləyir. Sağlam qulağında cəmi 20% eşitmə qabiliyyəti qalıb. Qulağındakı implant yerindən tərpənib, getdikcə aralanır. Müayinə, müalicə və implantı yerinə bərkitmək üçün ilkin mərhələdə 5000 manata ehtiyacı var.

Lazım olan məbləğ yığıldı.
Bacının növbəti müalicəsi 5 aydan sonra olacaq.
Müvəqqəti olaraq elan bağlanır.

Aynurə bacımız qulağın irinli iltihabına görə dəfələrlə əməliyyat keçirdib, 2 dəfə qoyulan plastik implantlar çürüyüb.

Metal implant qoyulandan sonra sümük xərçəngin yaranma ehtimalına görə həkimlər yenidən əməliyyat olunmasını qadağan etdilər.

Metal implantın bitişməsi üçün bahalı dərman və iynələr qəbul etməlidir.

Hal-hazırda, müalicə üçün 2500 manata ehtiyacı var.

Bacının kəskin ağrıları olur, həyatına da təhlükə var. Vəziyyət çox ciddidir.

Aynurə bacının yumurtalığındakı 7 sm kista dözülməz ağrılar verir və hər an partlaya bilər. Həmçinin, uşaqlığında (matkada) çox saylı poliplər var və qanaxması olur. Uşaqlığı 6 mm aşağı düşdüyü üçün sıxıntılar var. Təcili bu problemlərə görə əməliyyat olunmalıdır. Əməliyyata və sonrakı iynə-dərmana təxmini 3500 manat lazımdır.

Bacının uzun illərdi dərman qəbul etdiyindən, mədəsində ciddi problemlər yaranıb, belə ki, heç bir şey yeyə bilmir, dərhal qusur. Buna görə həkim dərmanların bir müddət kəsilməyini məsləhət gördü. Lakin, o dərmanlar qulağındakı çürümənin qarşısını almaq üçün idi və dərmanlar kəsildikdə fəsadın olmaması üçün fevral ayının 15-i yenidən 20 gün ərzində günə 3 dənə olmaqla iynə vurulmalıdır. O vaxtadək mədəsi düzələrsə dərmanlara yenidən başlanılacaq ve planlaşdırıldığı kimi iynələr may-iyun-iyul aylarında vurulacaq. Hal-hazırda fevral ayı üçün təxmini 3000 manata ehtiyac var.
Xatırladaq ki, may-iyun-iyul aylarında vurulacaq iynələrə isə təxmini 12500 manata ehtiyac var.
Yardım etmək istəyənlər aşağıda qeyd olunan məlumatdan yararlana bilər.

Bacının müalicəsi hələ də davam edir. Sentyabrda Türkiyyədə uzman doktor və xaricdən gələn həkimin müayinəsindən keçib, durumunda nəhayət irəlləyiş var, Əlhəmdulilləh!

Lakin, müalicəni (iynə və dərmanları) həkim icazə verənə qədər azaltmaq yaxud saxlamaq olmaz. Hamısı çürümənin qarşısını almaq üçündür və çox bahalıdır. 2018-ci ilin dekabr ayında müalicəni davam etdirmək üçün Aynurə bacımız Gürcüstana gedəcək, in-şəə-Allah.

2019-cu ilin may, iyun və iyul aylarında Aynurəyə fasiləsiz hər gün 3 iynə vurulmalıdır. 3 ay ərzində 276 iynəyə təxminən 12500 manat lazımdır.

Bundan əlavə, 2019-cu ilin birinci yarısında dərmanlar üçün təxminən 3900 manata ehtiyac var. Toplam 2019-cu ildə müalicə üçün 16400 manata ehtiyac var. Növbəti müayinə 2019-cu ilin avqust ayının əvvəlində İstanbulda olmalıdır.

Bacımızın müalicəsi üçün may ayın 19-na qədər iynə-dərman xərci ödənilib. Amma Mayın 19-dan iyulun 26-na qədər müalicə üçün $6000 lazımdır. Bacının durumu ağırdır, müalicəni davam etdirmək üçün çox təcili bu pula ehtiyac var.

Aprel ayının müalicəsi üçün lazım olan məbləğ yığıldı.

Aynur bacımızın müalicəsi davam edir. Aprel ayının sonuna qədər $2000 ehtiyac var.

4 uşaqlı Aynurə bacımıza təcili kömək lazımdır. Qulağın irinli iltihabına görə dəfələrlə əməliyyat keçirdib, 2 dəfə qoyulan plastik implantlar çürüyüb. Bu ilin əvvəlində metal implant qoyuldu. Sümük xərçəngin yaranma ehtimalına görə həkimlər yenidən əməliyyat olunmasını qadağan edirlər. Metal implantın bitişməsi üçün bahalı dərman və iynələr qəbul etməlidir.

Hal-hazırda 1 aylıq müalicə üçün 3000 manata ehtiyac var.
Bacının kəskin ağrıları olur, həyatına da təhlükə var. Vəziyyət çox ciddidir.

Qeyd edək ki, bacı övladlarıyla sınandığı üçün vaxtında həkim müayinəsinə gedə bilməyib. Nəticədə orta qulağın irinli otiti davam edir və artıq fəsadlar ortaya çıxıb: irin qulaq sümüklərinin çox hissəsini əridib, şiddətli baş ağrıları, huşunu itirmə, halsızlıq və karlaşma müşahidə olunur.

Hal-hazırda bacı Gürcüstanda əməliyyat etdirdiyi həkimin nəzarəti altında gündə iki dəfə irini yuduzdurma prosedurundan keçir, həmçinin dərmanlarla müalicə alır. İyul ayının 24-ü şualanma proseduruna başlamalıdır.

Bu prosedurlardan sonra avqust ayının 10-u əməliyyat olunmalıdır. Və 1,5 ay həkimin nəzarəti altında qaldıqdan sonra plastikləşmə vacibdir, əks halda irinləmə davam edəcək və beyinə yayıla bilər.

Əməliyyat nəticəsində eşitmənin 60 faizini bərpa etmək mümkün olacaq, in şəə Allah. Əməliyyata bütün xərclər daxil olmaqla 5500 Azn gərəkir. 800 Azn “Ayda bir manat” aksiyasından yönəldi.

Həqiqətən, tələsməliyik yardımla, çünki 4 uşaq anası artıq əmək qabiliyyətini itirib, indi isə həyatı təhlükə altındadır.
Məbləğ toplandı. Allah xeyirlə əvəz etsin!

Bir neçə müddətlik müalicə və şualanmadan sonra, aqvust ayının 9-u bacı təcili sürətdə əməliyyat olundu, çünki artıq qan yığılırdı, gözləmək həyatı üçün təhlükəli idi. Hal-hazırda bacı həkimlərin nəzarəti altında xəstəxanada müalicəsini davam edir, hər gün sarğılar dəyişilir. Sentyabın əvvəli in shaa Allah Bakıya dönməlidir və yarası sağalanadək ayda 2 dəfə tomoqrafiya elətdirib Gürcüstana müayinəyə getməlidir. Yarası tam sağalandan sonra, plastik əməliyyati həyata keçiriləcəkdir in şaa Allah (yoxsa çürümə davam edər, Allah qorusun). Bacı hamıya təşəkkürünü bildirir və çoxlu dua edir sizlər üçün. Allah hamınızdan razı olsun. Amin.

Oktyabr ayında Aynurə bacı tomoqrafiyadan keçib müayinəyə getmişdi.

Lakin orada sətəlcəm virusuna yoluxub , bir müddət xəstəxanada yatdı, müalicə aldı və sol qulağının eşitmə qabilliyyətini Allahın qədəri ilə itirdi. İndi sol qulağı cəmi 7% eşidir, sağ qulağı isə artıq neçə ildir ki eşitmir. Həkimlərin dediyinə görə, sol qulağın eşidib eşitməyəcəyi hələ tam bəlli deyil, sağ qulağın isə plastik əməliyyatdan sonra müəyyən qədər eşitmə şansı var in şəə Allah. Lakin soyuq fəsil olduğundan əməliyyatdan sonra xəstələnmə ehtimalı yüksək olduğu üçün plastik əməliyyatı isti aylara təxirə saldılar. Əməliyyat təxminən aprel ayından sonra olacaq in şəə Allah. O vaxtadək bacı hər ay tomoqrafiyadan keçib müayinəyə getməlidir.

Tomoqrafiyanı N.Tusi adına xəstəxanada elətdirir, xidmətin qiyməti 85 manat təşkil edir. Beləliklə, yol pulu ilə bərabər, hər ay təxmini 135 manat xərclənəcək. Əməliyyata qədər, toplanan məbləğdən (oktyabr ayında xərclənən məbləği də hesablasaq) 835-850 manat xərclənəcək.

Oktyabr ayında virusdan müalicə üçün xərclənən pulun qəbzlərini, həmçinin N.Tusi adına xəstəxanadan olan tomoqrafiyanın xülasə blankını aşağıda görə bilərsiniz (hər ay müayinəyə getdikdə, klinikada qəbz verilmədiyindən, tomoqrafiya blankı bu şəkildə dərc olunacaq in şəə Allah).

Bacının ağır yüklər qaldırması səbəbilə həyatına və əmək fəaliyyətinə maneə törədən problemi həll etmək üçün ginekoloji bir əməliyyata zərrurət yarandı və “Ayda bir manat aksiyasından” 1000 azn ayrıldı.

Son əməliyyatdan sonra bacı qabırğa altı nayihədə kəskin ağrılar hiss edib. Pul sırf ginekoloji əməliyyata yönəldiyi üçün bacı geniş və ümumi müayinələr aparmayıb. Ağrılardan sonra öd kisəsində polip və daşlar olduğu müəyyənləşib və təcili əməliyyat təyin olunub. “Ayda bir manat aksiyasından” 1500 azn bacının öd kisəsi əməliyyatına ayrılıb. Bu qədər əməliyyatlardan sonra uzun müddət bərpa olunmalıdır. Elan bağlansa da, bacıya davamlı dəstək lazımdır, müvəqqəti olaraq iş qabiliyyətini itirib. Ailəyə zəkat düşür. Allah malınıza bərəkət versin.

Bu dəfə müayinədə bəlli oldu ki, qulaq yenə irinləyir.Qulaq tam qurumasa plastik əməliyyatı etmək olmaz.Bu səbəbdən bacıya müalicə yazıldı, dərmanlar alındı (400$ card transfer xidmətindən yönləndirildi). Plastik əməliyyatın vəsaiti xəstəxanaya tam ödənilib (qəbzlər var) lakin əlavə müayinə və müalicə üçün vəsaitə ehtiyac var.Belə ki, iyulun sonunadek bir neçə dəfə müayinəyə getməlidir və qulaq quruyanadək müalicə olmalıdır. Həmçinin bacı səhhətinə görə hələdə işləyə bilmir, kirayə haqqını ödəməyədə yardım lazımdır.